Ambasadori i Shqipërisë në Kroaci, Riza Poda ka treguar si paraqitet gjendja shëndetësore e të plagosurve nga aksidenti i autobusit shqiptar në Kroaci.
5 persona janë duke u trajtuar në terapi intensive në qytetin Karlovac, bëri me dije Poda, ndërsa 4 të tjerë po marrin mjekim në spitalin e qytetit Ogulin.
“Unë isha vetë atje, u takova me mjekët, madje dhe vetë të lënduarit, bisedova me ta. Të lënduarit të cilët janë shtruar në spitalin e Karlovacit, komunikova ishin të vetëdijshëm të pestë, kuptohet kanë fraktura, kanë dëmtime, por sipas mjekëve të pestë personat janë jashtë rrezikut për jetën,” – u shpreh Poda në një intervistë për Euronews Albania.