Një aksident i frikshëm është regjistruar këtë të hënë te zona e Shallvareve në Tiranë. Një autobus i linjës së Unazës, është përplasur me 12 mjete.
Të plagosurit nga kjo ngjarje që janë nëntë, dhe janë dërguar drejt spitalit. Nga hetimet e deritanishme duket se autobusi ka goditur një automjet nga pas, dhe më pas ka vijuar goditja.
Ende nuk dihen shkaqet e aksidentit zinxhir që ka krijuar trafik dhe ka trembur dëshmitarët në vendngjarje, por paraprakisht dyshohet se shoferi i urbanit ka humbur kontrollin e mjetit. I plagosur ka mbetur dhe shoferi i autobusit, ndërsa disa persona të tjerë që u lënduan lehtë morën ndihmën e parë dhe u larguan nga vendngjarja.
Urbani i linjës së Unazës ka pësuar dëme të shumta materiale, bashkë me mjetet e tjera dhe pritet ekspertiza e grupit hetimor për të zbuluar shkaqet e këtij aksidenti të shumëfishtë.
Është e çuditshme sesi ka ndodhur aksidenti, pasi është një zonë e cilësuar si zemra e Tiranës, ku lëvizja e mjeteve është e ngadaltë si pasojë e trafikut.
