Pronarët e Mançester Junajtid kanë vendosur që të refuzojnë ofertat e bëra nga miliarderi britanik Jim Ratcliffe dhe sheiku nga Katari, Jassim bin Hamad Al Thani. Familja Glazers ka marrë këtë vendim, pasi kërkon një çmim më të lartë, raporton tabloidi anlez “The Telegraph”.
Ratcliffe dhe Sheiku Jassim janë të vetmet palë të interesuara për të blerë klubin më popullor anglez. Juanjtid vlerësohet rreth 4.3 miliardë Euro, por 2 ofertat e bëra që mendohet se janë rreth këtij çmimi, nuk kanë bindur pronarët aktualë.
Glazers duan që ta shesin Mançester Junajtid për shumën e 5.6 miliardë Eurove. Si miliarderi britanik, ashtu edhe sheiku katariot janë duke pritur për një përgjigje nga Raine Group, që po merren me marrëveshjen e blerjes.
Gjasat janë të mëdha, që në rast refuzimi, të dy të bëjnë oferta të reja, që i afrohen çmimit prej 5.6 miliardë Euro. Glazers janë gati që ta shesin klubin nëse marrin ofertën e duhur. Ata nuk do të refuzonin as edhe një shitje të të një pjese të aksioneve dhe të mbanin shumicën e tyre.
Familja Al Thani kërkon blerjen e plotë të klubit. Ata janë gati që të shlyejnë edhe borxhet e klubit, që shkojnë deri në 770 mln Euro. Plani i sheikut Jasim është që të ndërtojë një stadium dhe terrene të reja stërvitore. Vetëm kjo mund të kushtojë 2.3 miliardë Euro, përveç investimeve në merkato.