5 shqiptarë të plagosur nga përplasja e trenave

Nga tragjedia në Greqi, 5 persona me nënshtetësi shqiptare rezultojnë të plagosur. Lajmi është konfirmuar nga ambasada dhe konsullata shqiptare në Greqi, ndërsa nuk ka informacion për viktima. “Bazuar në komunikimin e fundit që ambasada dhe konsullata shqiptare në Greqi kanë patur me autoritetet greke, deri më tani nuk ka informacion për shtetas shqiptarë në radhët e viktimave të aksidentit hekurudhor. Po vijohet me identifikimin e tyre. 5 persona me nënshtetësi shqiptare rezultojnë të plagosur, jashtë rrezikut për jetën e po trajtohen në kushte spitalore”, njofton ambasada.