Menjëherë pas përfundimit të sfidave të fazës së 1/8-ave është zbuluar dhe shorti i dueleve çerekfinale të FA CUP, që do të zhvillohen në datat 18 dhe 19 mars.
Sa shumë surpriza deri në këtë fazë, teksa emra si Burnley, Sheffield UTD, Blackburn, që militojnë në Championship, kanë arritur të sigurojnë një biletë në çerekfinale, teksa qershi mbi tortë padyshim është Grimbsy Town, ekipi i ligës së katërt që eliminoi Sauthemptonin dhe tashmë do të përballet me Brajtonin në fazën pasardhëse.
Një duel interesant edhe për Burnely e Vinsent Kompani dhe portierit të Kosovës, Muriç, që kanë “peshkuar” gjigantët e Manchester City-t.
Ndërkohë në duelet e tjera, Junajtid do të përballet me Fulhemin si dhe Shefffield UTD me Blackburn. Padyshim, që City dhe United janë 2 favoritet absolute në letër për ta fituar këtë trofe.
