Deputetja e PS-së, Klotilda Bushka nga selia e partisë ka kërkuar nga drejtësia që të nisë hetimet për llogaritë e Monika Kryemadhit në parajsat fiskale me ortakë rusë.
“Në vend të vihet në dispozicion të organeve të drejtësisë, kërconin mediat. Deputetja Kryemadhi duhet të sqarojë se çfarë anë kërko deklaroi offshore. Pse nuk janë deklaruar? Implikimi i një politikani shqiptar në skenat e errëta të financimeve ruse është një goditje e fortë ndaj vlerave evropianë. Drejtësia shqiptarë nuk duhet të humbë kohë që të nisë hetimin. ndërkohë që Kryemadhi refuzon sqarimet organet e drejtësisë duhet të nisin hetimet që nga mos deklarimi e deri për pastrim parash e fshehje pasurish. Deri ku dhe në çmasë Kryemadhi është përfshirë me rusët”,-tha Bushka.
Kjo deklaratë vjen pak ditë më parë dolën të dhëna sensitive që flasin për përfshirjen e Monika Kryemadhit, ish-kryetare e ish-LSI-së, në financime dhe pagesa të dyshimta nga kompani off shore të kontrolluara nga biznesmenë rusë të naftës.