Muaji i Ramazanit për myslimanët është muaji më i shenjtë. Kjo gjë dëshmohet jo vetëm nga agjërimi, por edhe nga disa rregulla të sjelljes. Një ndër rregullat e këtij muaji është që të mos përdoren fjalë fyese ndaj të tjerëve.
Gjatë ditës shpesh janë të pashmangshme debatet të cilat mund të përfundojnë edhe me tone të larta zëri dhe ofendime. Elvis Naçi udhëzon se një mysliman gjatë këtij muaji nuk mundet ti kthehet një jo besimtari me të njëjtën monedhë duke e sharë ose e goditur. Ai thekson se një person që agjëron nuk është i njëjtë me një person që nuk agjeron.
Pavarësisht kësaj, Elvis Naçi, shprehet se edukata islame duhet të tregohet në çdo kohë dhe në çdo vend, jo vetëm në muajin e Ramazanit.