Rigerta Loku një zë i njohur për çështjet e bujqësisë, flet për nismën që u la përgjysmë nga ministrja e Bujqësisë, Frida Krifca lidhur me Akademinë e Barinjve. Ajo thotë se të jesh çoban, është profesioni më i paragjykuar në Shqipëri.
“Po zhduket një identitet që nuk e mëson dot në universitret, në zonat e thella malore ka fëmijë çobanësh që janë të evidentuar nga një zonjë franceze që jeton në Kelmend që nuk kanë akses në shkollim, shteti shqiptar nuk i mëson lexim e këndim fëmijët e çobanëve dhe ti do të çosh çobanët në shkollë? Merri këta fëmijë çobanësh e mësoi përpara, shkon universiteti te tradita e i mëson të rinovohet pa e humbur kurrë identitetin.
Në rast se flasim se ky është profesion i paragjykuar, ky që ditën e parë që kam vënë këmbë në Shqipëri kam lobuar që të punosh është nder dhe ky është ndër profesionet më të paragjykuara dhe keqtrajtuara në Shqipëri.
Nëse duam vërtet t’i ndihmojmë, t’i japim dinjitet, t’i studiojmë ata më parë, e ta shohë ku çalon, sot nëpër Bjeshkë shkojnë shumë pak çobanë por produktet e Bjeshkës janë që dhe sëmundjet e pashërueshme i shërojnë, po flasim për të ngrënët në mënyrë cilësore se po nuk ushqyem stomakun nuk ushqejmë dot mendjen”.