Moti në këtë të premte pritet me kthjellime dhe kalime vranësirash. Kthjellimet më të dukshme do të jenë në zonat bregdetare ndërsa vranësirat do të jenë më të shpeshta në zonat malore.
Gjatë mbrëmjes, territori shqiptar do të jetë në mbizotërimin e vranësirave të shpeshta që do të jenë më të pranishme në zonat veriore dhe lindore.
Temperaturat e ajrit do të mbeten në të njëjtin nivel në mëngjes por pritet të rriten në mesditë duke u luhatur nga -1 deri në 14 gradë celcius.
Era do të fryjë e lehtë dhe mesatare në det me shpejtësi 28 km/h nga drejtimi Perëndimore duke sjellë në brigjet detare dallgëzim të ulët.