Takimet e kryetarit të Bashkisë Mat Agron Malaj, i cili kandidon për një mandat të dytë, kanë qenë intensive, në fshatra e qytete, me grupmosha të ndryshme, me grupe interesi, me çdo banor të kësaj bashkie.
Biseda nis natyrshëm teksa Malaj u thotë votuesve se këto nuk janë zgjedhje politike, por nëpërmjet tyre zgjidhet administratori, menaxheri i fondeve publike.
“Kemi investuar në 68 projekte të rëndësishme, jetike për qytetarët, shprehet Malaj. Po mbyllen investimet në disa vepra të premtuara për tri dekada, të cilat ishin ëndërr për banorët e Matit. Ujësjellësi i Zallë Gjoçajve furnizon me ujë banorët e Macukullit, Derjanit, Rukajve dhe një sasi e ujit do t’i bashkohet ujësjellësit të Burrelit, duke garantuar ujë 24 orë”.
Malaj ka përmenduar gjatë këtyre takimeve investimin e madh në rrjetin e brendëshëm të qytetit, rikonstruksionin e shkollave, kopshteve, parqeve, trotuareve, qendrave shëndetësore. Vetëm muajit e fundit po asfaltohen 25 km rrugë, ndërkohë që Malaj thotë se gjatë mandatit të dytë do të synohet asfaltimi i rrugëve të shumicës së fshatrave. Lagjendë ishte bërë rruga Burgajet-Derjan-Macukull dhe vetëm gjatë drejtimin të kryebashkiakut Malaj ajo po bëhet realitet.
Duke bashkëbiseduar me qindra qytetarë të Burrelit kryebashkiaku ka premtuar një menaxhim bashkëkohor të mbetjeve, parkimin e mjeteve, rritjen e sigurisë për qytetarët, veshjen e 114 pallateve me sistemin e rritjes së efiçencës së energjisë, etj.
Të shumtë kanë qenë banorët, të majtë e të djathtë, të cilat kanë shprehur mbështetjen për kandidatin socialist, duke deklaruar se e duan progesin, zhvillimin, rritjen e stadarteve të jetesës, njeriun që ka bërë aq shumë për Matin dhe matjanët.