Pronari i Leeds United, Andrea Radrizzani po shqyrton një mundësinë për blerë gjigantët e Serie A, Inter. Situata e pasigurt financiare e zikaltërve mund të detyrojë presidentin Steven Zhang të shesë aksionet e tij këtë verë.
Zhang u padit nga China Construction Bank – një nga bankat më të mëdha shtetërore të vendit për refuzimin e tij për të shlyer një borxh prej mbi 300 milionë Dollarësh. Gjatë pandemisë ai mori një borxh tjetër prej 275 milionë Euro nga Oaktree Capital Management, me afat në Majin e 2024.
Tashmë Inter vlerësohet në rreth 1 miliard Euro dhe pronari i Leeds, Radrizzani, i cili ka lindur në Milano, është gati t’i bashkohet garës. Radrizzani do të duhet të shesë 56% të aksioneve të tij tek Leeds, përpara se të bëjë ndonjë ofertë për Interin.
Të ardhurat e italianit gjithsesi varen nga mbijetesa e Leeds në Premier League. Në të kundërt, aksioneve të tij do t’u bjerë vlera. Radrizzani merret me tregëtimin e të drejtave të transmetimit në sport. Kjo mund të shërbejë si leve për ta ndihmuar atë në blerjen e Inter.