Ish-banori i Big Brother VIP, Shpat Kërleshi, i ftuar në emisionin “Glamour Zone”, ka zbuluar prapaskenat gjatë reality show.
I pyetur nga moderatorja se cila ka qenë një prapaskenë që publiku nuk e ka parë, Shpati zbuloi një sekret të Kiarës dhe Arbrit.
“Kur Kiara doli nga shtëpia dhe vinte në studio ajo debatonte shumë me opinionistin Arbër Hajdari. Kam rastisur disa herë gjatë debateve të tyre të ashpra gjatë publicitetit”, tha Shpati.
I pyetur nga Ester se për çfarë debatonin, ai u shpreh: “Për tema të ndryshme sa i përket Big Brother VIP. Ata kishin kendvështrime të ndryshme nga njëri-tjetri për lojën.”