Zbulohen detaje nga sherri mes të rinjve që i mori jetën 20-vjeçarit Stivens Toshkesi orët e para të 18 prillit në kryeqytet.
Sherri mes të rinjve ka nisur që në janar të vitit 2022, kohë kur sipas gazetarit Arsen Rusta, një shok i Enzi Manzes dhe Axel Hoxhajt identifikuar me iniciale A., ka mësuar se ish-shoqja e tyre e klasës nga gjimnazi privat, kishte nisur një raport intim me Stivenin.
Në dosje thuhet se fillimisht shtetësja me iniciale F. ka marrë mesazhet me përmbajtje “Sa e bukur je bërë, ndahu nga i dashuri se të dua unë” nga ky person.
Këto mesazhe rezulton se F. ia ka treguar të ndjerit Stiven Toshkesi, i cili i ka thënë “nëse A. të shkruan sërish, më thuaj”. Pas kësaj situate, Stiven rezulton se i ka dërguar një mesazh shtetasit A., duke i thënë “mos e ngacmo më F”.
Ky komunikim rezulton të ketë qenë fatali, pasi pas kësaj përgjigjja që do të merrte nga shtetasi A ishte: “Po je burrë, eja më tako dhe mos më shkruaj!”
Stiven po kthehej në shtëpi me makinën e tij dhe në rrugë përballet me Axel Hoxhajn dhe Ensi Manzen. Hoxhaj shkon menjëherë nga ana e shoferit dhe përleshet me Toshkesin, të cilin e qëllon me një hanxhar, ndërsa Manze mban derën e pasagjerit në mënyrë që të pengonte që shoku i të riut të dilte nga mjeti për ta ndihmuar.
Por, ai del dhe përleshet me Manzen. Më pas shkon të ndihmojë shokun e tij, por ishte shumë vonë. Hoxhaj e kishte qëlluar të riun me hanxhar dhe Stiveni po përpiqej të mbijetonte.
Manze pas krimit është fshehur për disa minuta tek kodrat e liqenit artificial dhe më pas ka telefonuar babanë për t’i treguar çfarë ka ndodhur.