Javën e ardhshme vendi ynë do të ndikohet fillimisht (ditët e para të javës) nga kushte të paqëndrueshme atmosferike, ndërsa në fund të javës mot i qëndrueshëm me plot diell dhe rritje graduale temperaturash.
Në këtë mënyrë nga dita e hënë deri ditën e mërkurë, moti parashikohet me kthjellime, por edhe alternime vranësirash deri të dendura shoqëruar me reshje shiu të herëpashershme me intensitet të ulët deri mesatar. Në orët e vona të mbrëmjes të ditës së nesërme dhe orët e para të mëngjesit të ditës së martë, reshjet përgjatë ultësirës perëndimore me intensitet deri të lartë në formën e rrebesheve.
Më pas, duke filluar gradualisht nga dita e enjte, moti parashikohet i kthjellët, si dhe alternime vranësirash kalimtare, të cilat do të jenë më tepër prezente përgjatë relieveve kodrinore – malore të vendit.