Kush e vrau dhe pse u vra biznesmeni kandidat për zgjedhjet lokale të 14 Majit, Ardian Nikulaj Eksperti i kriminalistikës Fatjon Softa, thotë se nga të dhënat parparake, vrasësi nuk mund të jetë kurrësesi profesionist, pasi nga 7 të shtëna në një distancë 1 metër, vetëm dy prekën në trup viktimën.
“Nga pamjet që shikojmë në mënyrën e ekzekutimit shikojmë që është një person gjakfrohtë, që ndoshta është marrë me vrasje të tjera. Por mungesa e profesionalizmit shihet tek mungesa e dorezës, mënyra si ai bën ekzekutimin, mungesa e precizionit.
Mendoni që në një distancë 1 metër, se aq afër është afruar, nga 6 fishekë apo 7 fushekë, vetëm dy kanë prekur viktimën, të tjerët kanë përfunduar në xham. Kjo tregon që nuk është një profesionist i mirëfilltë.
Të gjitha këto gabime mund të ndihmojnë grupin hetimor drejt krijimit të një identiteti të një personi të mundshëm. Kjo nëse dorezën që preku vrasësi pa dorezë, nuk e kanë prekur persona të tjerë dhe nëse vendi ngjarjes nuk është zhuritur, pasi nga pamjet pamë që brenda shiritit të krimit kishte persona jo me uniformat e policisë”, tha Softa.