VKM-ja për ndërtimet pa leje, Marash Logu pranohet si përfaqësues i deputetëve të PD

Në Gjykatën Kushtetuese këtë të martë po mbahet seanca e tretë për padinë e grupit të Partisë Demokratike, kjo për operacionin e ndërtimeve pa leje. Pasi u shty për dy herë radhazi, Gjykata Kushtetuese ka nisur ditën e sotme shqyrtimin e kërkesë padisë së PD-së. Gjykata ka pranuar Marash Logun si përfaqësues të deputetëve demokratë në seancë, përveç Gazment Bardhit. 28 deputetët kanë dhënë firmën e tyre dhe autorizuan Logun si përfaqësues të tyre në seancë, kërkesë kjo që u bënë seancën e javës së kaluar nga Gjykata.