Pas fitores së thellë në Kamëz, me Rakip Sulin, në Vorë me Blerim Sherën dhe në Rrogozhinë me Edison Memollën, PS-ja po vendos një rekord edhe në Tiranë. Hapja e kutive të votimit tregon fitoren e padiskutueshme të Erion Veliajt.
Aktualisht Veliaj ka thelluar fitoren me 30 mijë vota diferencë me kandidatin e dyshes Berisha-Meta, Belind Këlliçi. Sipas të dhënave zyrtare, Veliaj deri në këto momente ka 82 557 vota, ndërsa Këlliçi 30 mijë më pak, vetëm 53213 vota. Deri më tani është konfirmuar fitorja e socialistëve në Vorë, Kamëz dhe në Rrogozhinë.
Vijon numërimi edhe në Kavajë, ku në avantazh është kryetari i bashkisë, kandidati i PS-së, Redjan Krali.
