Ashtu siç ishte premtuar, Bashkia e Tiranës ka vijuar me ndërhyrjet kapilare nëpër lagje për asfaltimin e rrugëve. Ekipet e punës së Bashkisë kanë punuar këto ditë për riparimin e shtresave asfaltike të dëmtuara në disa segmente, si:Rruga “Llambi Bonata”, Rruga “Jordan Misja”, Rruga “3 Dëshmorët”, Rruga “Marubi”, Rruga “Gjergj Legisi”, Rruga “Siri Kodra”, Rruga “Ligor Lubonja”, Rruga “Fadil Adusha”, Rruga “Vangjush Furrxhi”. Kryebashkiaku Erion Veliaj ka siguruar banorët se këtë mandat një vëmendje të veçantë do të marrin ndërhyrjet nëpër lagje, për të çuar asfaltin gjer në shtëpinë më të largët.
