Sot u dha lajmi për rikthimin në politikë të Lulzim Bashës, në një kohë që PD-ja zyrtare është pa kryetar.“Çdokush ka të drejtë të kandidojë, në një parti që është vërtet demokratike. Këtë e vlerëson vetëm anëtarësia me votim të rregullt, të ndershëm”,-tha ish-kreu i komanduar i PD-së, Enkelejd Alibeaj kur u pyet nga gazetarët nëse do të kanidojë Lulzim Basha për kreun e ri të të djathtëve.
Grupin Parlamentar të Partisë Demokratike e drejton Gazment Bardhi, i cili është edhe Sekretari i Përgjithshëm i partisë.
Përpos Alibeajt, ka pasur deputetë si Saimir Korreshi që kanë deklaruar se Basha, Berisha dhe vetë Alibeaj nuk duhet të kandidojnë më për të drejtuar të djathtët, pasi “ata nuk kanë çfarë të ofrojnë më për ta çuar partinë drejt fitores.”