Bebe Rexha ka pasur një periudhë aspak të lehtë. Së fundmi ajo u sulmua në një koncert të sajin, pasi një fans e qëlloi me telefon në kokë. E përpos saj, ajo është komentuar në rrjet për peshën që ka shtuar.
Me anë të një video-je në Instagram ku në fund nxjerr gishtat e mesit, Bebe shkruan se nuk ndihet mirë kur lexon të tilla komente në rrjet.
“E di që kam shtuar në peshë. Njerëzit përjetojnë luhatje. Nuk do të gënjej, ma shpif dhe më bezdis kur lexoj disa prej komenteve. Jam duke mësuar që ta pranoj dhe mos e gjykoj veten, ndërsa po ashtu po përpiqem të marr vendime më të shëndetshme në jetë. Ajo që kam mësuar megjithatë është se numrat nuk të përcaktojnë, zemra e bën.”