Sot rinumërohen 18 kutitë e Bashkisë Kuçovë

Këtë të premte, në zbatim të vendimmarrjes të një jave më parë, në Kolegjin Zgjedhor do të rinumërohen 18 kuti të Bashkisë Kuçovë. Në sallë janë montuar pajisjet për 4 tavolina numërimi. Në seancën e kaluar kandidati humbës në Kuçovë, Lefter Maliqi, pretendoi një sërë parregullsish në procesin zgjedhor të 14 majit në Kuçovë. Sipas tij, 18 kutitë që do të rinumërohen kanë qenë jashtë këndit të shikimit të kamerës vëzhguese të KQZ në KZAZ-në e Kuçovës.