Deputetja e PD-së Jorida Tabaku ka përshëndetur ardhjen e ish-presidentit amerikan Bill Clinton në Tiranë, që është hera e parë e tij.
Gjatës fjalës së saj në Kuvend, ajo theksoi se Clinton ka bërë shumë për Shqipërinë dhe Kosovën duke shtuar se vizita e tij në vendin tonë po trajtohet si private, referuar mazhorancës.
“Pëshëndes dhe uroj mirëseardhjen Presidentit Clinton. Do kishte qenë e udhës të përshëndetej nga Kuvendi. E para, në emër të PD-së dua t’i uroj mirëseardhjen Presidentit Clinton në Tiranë. Ai ka bërë shumë për Shqipërinë, për Kosovën, për shqiptarët ashtu siç ka thënë; Ne fituam luftën, koha që ju të fitoni paqen. Do kishte qenë normale që ky parlament t’i uronte mirëseardhjen por edhe kjo vizitë po trajtohet si një vizitë private”,-tha ajo.