Në atentatin mafioz ndaj Gentian Bejtjas në mesnatë në fshatin Larushk në Krujë, përveç Alvi Bejtjas, ka mbetur i plagosur edhe djali tjetër i 42-vjeçarit.
Në urgjencë kanë mbërritur të plagosur dy fëmijë, njëri prej tyre 13-vjeçari Alvi Bejtja i cili është në gjendje të rëndë për jetën dhe është i intubuar. Ndërsa fëmija tjetër, 8 vjeç është në gjendje më të mirë shëndetësore.
“Me qëllim identifikimin dhe kapjen e autorit/ëve të dyshuar, shërbimet e Policisë kanë ushtruar 3 kontrolle në 3 banesa si dhe kanë shoqëruar 3 persona që mund të kenë dijeni për ngjarjen”, lexohet në njoftimin e policisë.