Mospjesëmarrja e kryeministrit të Kosovës, Albin Kurti, në takimin e Tiranës, në kuadër të procesit të Berlinit, ka nxitur reagime.
Në një konferencë me gazetarët, kryeministri Edi Rama u pyet për mungesën e Albin Kurtit në takimin me liderët e rajonit dhe komisionerin e BE-së. Në përgjigje, shefi i qeverisë theksoi se të gjithë ishin të ftuar, dhe se kush deshi erdhi.
Pyetje: Fushat ku Shqipëria do kërkojë më shumë mbështetje. A ju vjen keq që nuk ishte vëllai juaj i vogël Kurti?
Rama: Nuk mund të flasim për atë, nuk e di nëse keni dëgjuar Von Der Leyen e cila dha sinjal të qartë për objektivat e këtij plani. Ajo që është e rëndësishme është që ta shohim rajonin si një të tërë, edhe pse ka vende që janë më përpara me integrimin…Nuk shoh asnjë interes, ishin të gjithë të ftuar, kush deshi erdhi, kush nuk mundi nuk erdhi.