Partizani humbi 2-0 kundër BATE Borisov në Hungari, duke u eliminuar nga turi i I i Champions League. Të kuqtë do luajnë në turin e tretë të Conference League, me skuadrën nga Andorra, Atletic D’Escalante që është kundërshtari i “Demave”.
Pas ndeshjes për mediet foli Zoran Zekic. Trajneri u duk i zhgënjyer, por që tregoi se nga kjo e mërkurë do vijojnë përgatitjet për kundërshatin e Conference League.
“Jam shumë i zhgënjyer përsa i përket rezultatit sot. Ne luajtëm futboll, por nuk arritëm të shënonim dhe sigurisht në situata të veçanta ata na ndëshkuan. Bëmë vetëm një gabim, të cilin kundërshtari e shfrytëzoi . Ndihem pak i zhgënjyer, pasi i kisha folur ekipit gjatë gjithë javës, për situatën sesi e pësuam golin e parë. Nuk arritëm të shënonim gol dhe e vuajtëm këtë gjë. Gjithsesi jam shumë krenar për atë që lojtarët dhanë në fushë, vrapuan shumë ,zhvilluan një ndeshje të mirë. Thjesht na mungoi goli dhe ishim të pafat”, tha fillimisht kroati.