Nikolin Lekstakaj u qëllua me breshëri plumbash sot në Balldre të Lezhës teksa doli nga një market.
Ai u qëllua me breshëri plumbash nga një makinë në lëvizje. Në market nuk ka pasur njeri, përveç një grua që ishte shitëse.
Dyshohet se vrasja e sotme është hakmarrje për vrasjen e biznesmenit Ardian Nikulaj, më 19 prill të këtij viti, tre muaj më parë.
Policia ende nuk ka rënë në gjurmët e autorëve, ndërsa po punon për zbardhjen e plotë të rrethanave.