Në mbledhjen e zhvilluar sot në Bashkinë e Klosit me shtabin e emergjencave civile dhe zyrtarë lokal të institucioneve është vënë theksi në shtimin e masave dhe rritjen e kujdesit nga zjarret.
Prefekti Nexhbedin Shehu vlerësoi përvojën e vitit të kaluar dhe angazhimin e plotë të strukturave në bashkitë Mat e Klos. “Administratorët, tha Prefekti, duhet ta kenë situatën nën kontroll, kudo dhe në çdo kohë. Kemi raste të zjarreve edhe nga pakujdesia.
Strukturat duhet të kenë informacion dhe të marrin masa të shpejta për çdo rast. Nuk duhet toleruar askush, pasi dëmet që vijnë nga zjarre janë të mëdha. Bashkëpunoni vazhdimisht me policinë dhe institucionet e tjera dhe mbani mjetet e forcat në gatishmëri të plotë”, pohoi Prefekti i Qarkut Dibër.