Një koncert i Taylor Swift në Seattle në Uashington ishte i njëjtë me një tërmet me magnitudë 2.3 balla, kanë thënë sizmologët. Kjo analizë u bë nga ekspertët të cilët zbuluan se koncertet mposhtën rekordin e mëparshëm të Lumenit, i njohur si ‘Beast Quake’ i qytetit.
Kjo ndodhi në vitin 2011 kur fansat reaguan ndaj goditjes së futbollistit amerikan Marshawn Lynch për Seattle Seahaëks gjatë një ndeshjeje playoff kundër New Orleans Saints një ngjarje e cila ishte me magnitudë 2.0, shkruan Sky News.
Profesor Jackie Caplan Auerbach, një gjeolog në Universitetin e Uashingtonit Perëndimor, tha për Seattle Times se ndikimi i shfaqjes së koncertit tri orë e gjysmë të Taylorit ishte “Seismic Swift”.
Mouse Reusch, një sizmolog në Rrjetin Sizmik të Paqësorit Veriperëndimor, tha se valët u shndërruan në një sonogram për të përcaktuar se cilat këngë kishin ndikimin më të madh sipas rrahjeve në minutë.
Një nga studentët zbuloi se kënga “Shake It Off” kishte përgjigjen më të zhurmshme, së bashku me “Blank Space”.
Nuk është ende e qartë saktësisht se çfarë e bëri tokën të dridhej kaq shumë basi, ‘subwoof’-erët apo njerëzit që kërcejnë. Por sizmologët vendas janë gati për koncertin e Beyonces në të njëjtin vend në shtator për të parë nëse fansat e saj mund të thyejnë rekordin.