Mithat Ramadani, Besnik Mujeci, Kalem Picari, Ambra Myftari dhe Daniel Avdia janë arrestuar nga Policia e Tiranës. Nga 5 të arrestuarit, 3 janë Shqipëria dhe 2 të tjerë nga Kosova. Ata janë vënë në pranga pasi shpërndanin ekstazi në lokalet e natës në zonën e ish-Bllokut në Tiranë.
Këta persona e siguronin drogën në Kosovë dhe e shisnin në vendin tonë. Policia sekuestroi një natë më parë 10 mijë euro. Hetimet për finalizimin e operacionit kanë nisur 5 muaj më parë dhe është akoma në vijim.
Dozat e lëndës narkotike mësohet se shiteshin kryesisht në zonën e ish- bllokut dhe në lokalet e natës. Sipas përllogaritjeve, një dozë shitej 30-50 euro dhe e gjithë sasia nëse do të hidhej në treg kapte vlerën e rreth 500 mijë euro.