Sulmuesi kosovar Milot Rashica i është bashkuar skuadrës së madhe turke, Beshiktash nga Norwich City për 5.5 milionë euro.
Ai është pritur me entuziazëm të madh nga tifozët e skuadrës, derisa sot është prezantuar dhe ka zgjedhur numrin 11 në fanellë. Në intervistën e parë, ai ka folur edhe për Shqipërinë.
“Shqiponja është simboli ynë kombëtar, simbol për popullin e Shqipërisë dhe Kosovës. Kur bëjmë shenjën e shqiponjës, ata që na shohin e dinë se kush jemi. Kjo vlen edhe për ata që shohin flamurin tonë. I festova golat e mi duke bërë shenjë shqiponje. Ka një kuptim shumë të veçantë për të gjithë ne”, tha fillimisht Rashica.