Karbohidratet dhe yndyra në patatina rrisin tendencën tuaj për të ngrënë më shumë edhe nëse nuk jeni të uritur. Ekziston edhe një term biologjik për të: hiperfagjia hedonike.
Të gjithë e kemi përjetuar, por një studim i botuar në Frontiers in Psychology e ka vërtetuar këtë tek brejtësit. Kur minjtë u njohën me katër lloje të ndryshme ushqimesh: yndyrna, karbohidrate, një përzierje yndyrash dhe karbohidratesh dhe patatinat, shumë shkuan për ushqimin me yndyrë dhe karbohidrate, por shumica ecën drejt patatinave.
Kjo do të thoshte se përveç yndyrës dhe karbohidrateve kishte diçka tjetër në patatina që i shtynte ata ta dëshironin atë. Ajo diçka, siç rezulton, është kripa.
Kripa në patate të skuqura i bën ato po aq të varur sa drogat e forta
Me kripën në qendër të vëmendjes, shumë priren të anashkalojnë sheqerin që qëndron i kamufluar si niseshte në patate. Në fakt, ai absorbohet më shpejt se sheqeri aktual i një sasie të ngjashme, sipas Eric Rimm, një profesor i asociuar i epidemiologjisë dhe të ushqyerit, Shkolla e Shëndetit Publik të Harvardit. Rimm tha për The New York Times Magazine se niseshteja në patate shkakton rritjen e niveleve të glukozës në gjak. Dhe po aq e shpejtë është rritja, po ashtu është edhe rënia e nivelit të glukozës, duke ju bërë të dëshironi disa patatina më shumë.
Kërcitja ju bën të dëshironi më shumë
Sa më e fortë të jetë kërcitja e një patatine, aq më e madhe është dëshirueshmëria e tij. Një ekip studiuesish, Massimiliano Zampini i Universitetit të Trentos në Itali dhe Charles Spence i Universitetit të Oksfordit në Mbretërinë e Bashkuar zbuluan se tingulli kërcitës i patatinave në gojën tuaj ka më shumë rëndësi se sa mendoni.