Trajneri i Liverpool-it, Jurgen Klopp foli në konferencën për shtyp për të sqaruar pozicionin e klubit për të ardhmen e Mohamed Salah. Egjiptiani është tunduar së fundmi nga një ofertë e Al Ittihad, që është gati për ta mbuluar me ar, por një javë para mbylljes së merkatos europiane, trajneri gjerman është i qartë për këtë çështje.
“Është e vështirë të flasësh për mediat për histori për të cilat nuk ka asgjë për të thënë, të paktën nga këndvështrimi ynë. Ai është një lojtar thelbësor për ne dhe nuk ka asgjë për të thënë. Dhe edhe nëse do të ketë, përgjigja jonë do të ishte ‘jo’. A do të qëndrojë? 100%”, deklaroi Klopp.
Sipas shtypit saudit, Al Ittihad ka paraqitur një ofertë shokuese: 200 milionë euro për 3 vjet për sulmuesin egjiptian dhe 100 milionë euro për klubin anglez.