FIFA ka vendosur të pezullojë presidentin e federatës së futbollit të Spanjës, Luis Rubiales, pas puthjes në buzë të një prej lojtarëve iberike, Jennifer Hermoso.
Komiteti i Disiplinës ka marrë një vendim drastik ndikuar edhe nga përmasat botërore që mori ky skandal.
Vendimi parashikon pezullimin për një afat të pacaktuar nga të gjitha aktivitetet futbollistike kombëtare dhe ndërkombëtare.
Mediat në Spanjë dhe opinioni publik kërkuan dorëheqjen e Rubiales, por ai ndryshe nga sa ishte përfolur, doli të premten dhe ruajti me force pozicionin e tij, duke thënë se gjithçka ishte bërë pa tendencë, në kushte euforie dhe entuziazmi nga suksesi.