Një 31-vjeçar është proceduar nga policia e Durrësit pasi organizonte lojëra fati në mënyrë të p paligjshme në lokalin e tij. Sipas policisë, në lokalin e A.M në lagjen nr. 13 në qytetin bregdetar kishte informacion se ushtrohej ky aktivitet i kundraligjshëm.
NJOFTIMI
Policia vijon kontrollet për evidentimin dhe ndëshkimin e atyre personave të cilët vijojnë ende të ushtrojnë aktivitetin e kundraligjshëm të lojërave të fatit.
Procedohet penalisht për veprën penale “Organizimi i lotarive të palejuara”, shtetasi A.M., 31 vjeç, banues në lagjen Nr.13, Durrës, sepse në lokalin e tij ushtronte aktivitetin e kundraligjshëm të lojërave të fatit.
Kontrollet kundër aktivitetit të lojërave të fatit do të vijojnë, deri në ndëshkimin e subjektit të fundit që ushtron këtë aktivitet anti-ligjor.
Policia e Shtetit fton këdo të denoncojë falas në numrin 112 ose përmes aplikacionit “Komisariati Digjital”, çdo veprimtari të tillë të kundërligjshme.