Skënderbeu arriti të merrte një fitore shumë të rëndësishme në kampionat ndaj Flamurtarit, duke e mposhtur me rezultatin 2-0. Kjo fitore, i mban korçarët në garë për një vend në Kupat e Europës, duke shpresuar gjithmonë që KAS të japë një vendim pozitiv që do të hiqte dënimin e dhënë pak kohë më parë nga UEFA.
Megjithatë, fitorja nuk ka kaluar pa pasoja te Skënderbeu që në ndeshjen e radhës në kampionat ndaj Tiranës do të jetë i cunguar. Skuadra korçare vjen me dy mungesa të rëndësishme duke qenë se Bruno Dita dhe kapiteni Marko Radas u ndëshkuan me kartonë të verdhë duke plotësuar numrin e tyre.
Me shumë gjasa, një vend në formacion do të ketë sërish për të riun Jorgo Pëllumbi ndërkohë që Shehit i duhet të mendojë edhe për mesfushën pasi Dita ka qen këto kohë një nga më të dalluarit në fushë dhe mund të konsiderohet një mungesë e madhe për Skënderbeun.