Droga e fshehur në konserva, dhe në formë xhelatinoze u shiste nëpër mbarë Shqipërinë

Një megaoperacion antidrogë, i nisur nga Drejtoria e Përgjithshme e Policisë mbrëmjen e djeshme është duke u zhvilluar në disa qarqe të vendit. Trafikantët e fusnin hashashin në konserva dhe më pas e shpërndanin. Kanabisin që tregtonin ishte i prodhuar me llamba dhe kushtonte 3000 lekë, tre herë më shtrenjtë se kanabisi klasik. Ky hetim ka nisur muaj më parë, ku policia hetoi lidhjet e personave të arrestuar më herët për shpërndarje dhe zbuloi anëtarët e tjerë. Gjykata ka nxjerrë mbi 100 urdhra ndalimi.