Roma ka mundur me rezultatin e thellë 7-0 Empolin në “Olimpico” duke marrë kështu tre pikët e para këtë sezon në Serinë A.
Sfida nisi mjaft mirë për skuadrën e Zhoze Murinjos, e cila kaloi në avantazh që në minutën e dytë me Dibalën falë një penalltie.
Më pas çdo gjë foli për verdhekuqtë që shënuan dhe gjashtë herë të tjera në portën e mbrojtur nga Etrit Berisha.
Për Empolin u aktivizuan në pjesën e dytë edhe Ardian Ismajli e Stiven Shpendi, por që nuk mund të bënin asgjë për të evituar këtë humbje të turpshme.
Kështu Roma shkon në kuotën e katër pikëve, teksa tashmë synon të ngjitet akoma dhe më shumë në renditje.
Nga ana tjetër Empoli vazhdon të jetë me 0 pikë pas katër ndeshjeve, me stolin e Paolo Zanetit që tashmë fillon të tundet.