Pasi kuqezinjtë fituan ndaj Polonisë, ai që u dogj ishte Fernando Santos, i cili u shkarkua nga stoli i kombëtares polake. Por nuk ka vonuar dhe është prezantuar trajneri që do drejtojë Levandovskin me shokë deri në fund të fazës kualifikuese të “EURO 2024”.
Michal Probierz do të ulet në stolin e skuadrës polake, me lajmin që është njoftuar vetë nga ana e federatës. Ai ishte trajneri i kombëtares U-21, teksa tashmë do të marrë në drejtim kombëtaren A.
“Mikal Probierz është trajneri i ri i kombëtares polake. Kjo është zgjedhja më e mirë e mundshme. I uroj trajnerit të ri fat”, shkruan presidenti i federatës, Çezari Kulesha.
