Ndonëse, nëna ia prezantoi djalit, vajzën e urtë dhe të qetë, sërish nisën debatet e ashpra mes tyre, kur nëna zbuloi se e reja vuan nga Epilepsia. Në mars çifti i ri vendosën të martoheshin dhe të jetonin në shtëpinë e prindërëve të Ermalit. Në fillimet e bashkëjetsës së tyre dukej se gjërat po shkonin mirë, por anjëri nuk e kishte imagjinuar që do të përfundonin në situatë rruge, kur nëna e Ermalit, Fatime Metaj vendosi t’i dëboj nga shtëpia, të kyçi derën dhe të emrigroj drejt shtetit italian. Nëna e tij ka marrë edhe një urdhër mbrojtje ndaj tij, dhe pse Ermali e mohon të ketë shkaktuar dhunë ndaj saj. Prej 4 muajsh ata ndodhen në situatë rruge teksa ditën enden nëpër qoshet e Lushnjës për të kërkuar ndonjë lëmoshë për të ngrënë, e teksa kur bie nata streohen te stolat e sallës së pritjes në spitalin e Urgjencës së qytetit. Kjo dashuri e ndaluar ka bërë që edhe mardhëniet e Silvës me familjen e saj të jenë krisur. Babai i saj nuk ka qenë dakord për martesën me Ermalin dhe ndaj ka vendosur që të mohoj vajzën e tij dhe të shkëpusë cfarëdolloj kontakti me të. Të ëmën e takon vetëm kur babai nuk ndodhet në shtëpi, ndërsa me motrën ka kontakt vetëm kur takohen rastësisht në rrugicat e Lushnjës. Ermali ka një mesazh për nënën e tij, teksa i bën thirrje të bashkohen sërish dhe t’i lejoj në shtëpi. Me Silvën nuk mund të ndahet, pasi është marrëzisht i dashuruar ne të.
Te shtëpia e nënës së tij, dera qëndron e kyçur dhe në të është gdhendur: ‘’Je i vdekur Ermal’’.