Studentët e Mjekësisë së Përgjithshme këtë vit të ri akademik, e kanë nisur me bojkot. Prej 5 ditësh tashmë auditorët e Fakultetit të Mjekësisë janë bosh.
Studentët kanë zgjedhur të protestojnë për anulimin e ligjit të ri, që i detyron ata të ofrojnë shërbim shëndetësor nga 3 deri në 5 vite pas përfundimit të studimeve, e më pas të pajisen me diplomë.
Kurse këtë të premte u është bashkuar edhe viti i parë, me rreth 400 studentë që duhet të nisnin mësimin rregullisht. Studentët kanë paralajmëruar se do ta ndjekin çështjen në rrugë ligjore dhe do të bëjnë padi në Gjykatën Kushtetuese.