3-vjeçari mbushi 14 dhëmbë dhe ndërroi jetë, kardiopediatri kishte dhënë rekomandimin: S’ka problem

Kanë dalë në dritë detaje në lidhje me vdekjen e 3-vjeçarit Brian Spahiu, pas një ndërhyrje dentale në një klinikë private në Tiranë. 3-vjeçari kishte mbushur 14 dhëmbë në klinikën private, ndërhyrje që më pas i solli edhe vdekjen. Prindërit pretendojnë se gabimi ishte i mjekut për shkak të mbidozës së narkozës, por mjeku pohoi për mediat se djali vuante nga problemet e zemrës. Ka edhe një rekomandim të mjekut kardio-pediatër në QSUT, Albert Koja, ku thuhej se nuk kishte asnjë problem nëse bëhej një ndërhyrje e tillë te dentisti.