Në vizitën e parë zyrtare, presidenti i Francës, Emmanuel Macron është pritur mëngjesin e sotëm me ceremoni shtetërore nga homolgu Bajram Begaj.
Edhe pse kohë është me shi, kur Macron zbriti nga makina, u pa që u takua ngrohësisht me Begajn, aq sa edhe disa hapa i bënë duke shtrënguar dorën e njëri-tjetrit. Fillimisht u interpretuan himnet e dy vendeve e më pas u krye kalimi para truprojës së nderit. Më pas do të mbahet një takim kokë më kokë mes dy presidentëve.
Më pas Macron do t’i drejtohet kryeministrisë, ku do të nënshkruajë me qeverinë shqiptare marrëveshje ekonomike dhe bashkëpunimi mes dy vendeve. Në 11:30 pritet të ketë edhe një konferencë për shtyp me Ramën.
