Këtë të enjte Gjykata e Tiranës shqyrton kërkesën e Lulëzim Bashës për të regjistruar ndryshimet statutore të bëra në Kuvendin Kombëtar të 2 shtatorit. PD e Rithemelimit është thirrur nga gjykata për t’u dëgjuar.
PD-ja e Rithemelimit i kërkon gjykatës pezullim të kësaj çështjeje dhe mosregjistrim të ndryshimeve statutore. Sipas këtij grupimi, nuk mund të ketë regjistrime shtesë, pa u zgjidhur çështja në themel se kujt i përket “vula”, çështje që pret gjykimin në Gjykatën e Lartë.
Berisha që drejton Rithemelimin, ankohet prej muajsh se çështja vonohet enkas nga Gjykata Kushtetuese, me urdhër politik të kryeministrit Edi Rama, me qëllim që përçarja mes demokratëve të vijojë sa më gjatë, duke i dëmtuar ata përballë elektoratit.