GJKKO kërkon ta marrë në pyetje, Berisha njofton konferencë 30 minuta para seancës

Sali Berisha është thirrur nga GJKKO për t’u marrë në pyetje ditën e sotme lidhur me hetimin e çështjes së privatizimit të ish-kompleksit sportiv “Partizani”. Berisha nuk është shprehur qartazi nëse do i përgjigjet thirrjes së GJKKO, duke qenë se ka refuzuar edhe të komunikojë me efektivët e policisë për t’u njohur me masën e ndalimit. Vetëm 30 minuta para orarit të caktuar nga GJKKO për marrjen në pyetje, pra në orën 13:30, Sali Berisha do të mbajë një konferencë për shtyp.