Garda e Republikës ka bllokuar foltoren, por deputeti i PD-së Ervin Salianji ndezi një tymuese ngjyrë blu në Kuvend. Pasi e mbajti disa sekonda në duar, e hodhi atë në drejtim të vendit të ministrave. Nga ana tjetër, deputetët e PS-së dhe ministrat po votojnë në masë projektligjet dhe nenet.
Ervin Salianji ka ndezur një tymuese tjetër në Kuvend. Kësaj radhe tymuesja kishte ngjyrën lejla, ndërsa u tha deputetëve socialistë se kjo është ngjyra juaj. Teksa ndezi tymuesen, Salianji u pa i buzëqeshur.
