Filip Ugriniç po etiketohet si tradhtar në Serbi, për shkak se ka zgjedhur të përfaqësojë një tjetër kombëtare, e jo atë serbe. Futbollisti me origjinë serbe, i cili është pjesë e Young Boys, ka lindur në Zvicër. Ai ishte pjesë e listës së publikuar nga ana e trajnerit të Zvicrës, Murat Yakin.
“Kurir” e ka etiketuar si “tradhtar” këtë futbollist, teksa për ta rënduar edhe më shumë moralisht për zgjedhjen që ai ka bërë, media shkruan: “Zgjodhi Granit Xhakën dhe Xherdan Shaqirin para vendit të tij, Serbisë”.