Një nga ekipet ku Raphael Dwamena ishte aktivizuar, Levante, ka bërë një postim në rrjetet sociale, ku shpreh ngushëllime për familjen e futbollistit.
“Në emër të LevanteUD, duam të shprehim ngushëllimet tona më të thella për ndarjen nga jeta të ish-lojtarit tonë, Raphael Dwamena. Mendimet tona janë me familjen dhe të dashurit e tij në këtë kohë të vështirë. Trashëgimia e tij në klubin tonë do të jetojë përgjithmonë. U prehsh në paqe”.
Klubi ka vijuar duke postuar gjithashtu edhe disa momente nga koha e Dwamena-s, duke shkruar “Kështu duam të të kujtojmë, Rapha. Me buzëqeshjen tënde të përjetshme, duke shijuar një sport që e ke dashur”.
Sulmuesi Dwamena mbylli sytë një herë e përgjithmonë këtë të shtunë, gjatë ndeshjes së Superligës ndaj Egnatias.