Një automjet ka marrë flakë pak minuta më parë në aksin Berat-Dimal.
Ngjarja ka ndodhur 100 metër larg Rotondos së Damialit dhe mjeti, tip Volswagen, mësohet se sapo kishte dalë nga servisi është përfshirë nga flakët.
Babë e bir, që ishin duke u kthyer në shtëpi, nuk kanë pësuar lëndime pasi ata kanë dalë menjëherë nga mjeti, pasi kanë parë që brenda po mbushej me tym.
Në vendngjarje kanë shkuar forca policie dhe zjarrfikësja, që kanë kryer edhe shuarjen e flakëve, ndërkohë që po punohet për zbardhjen e shkaqeve të zjarrit.