Lufta për kreun në distancë mes Partizanit dhe Egnatias vijon. Java e 17 në Kategorinë Superiore është e ndarë në dy ditë. Të shtunën Partizani udhëton në Kukës me objektivin e vetëm, fitore!
Pas 5 barazimeve radhazi, të kuqtë kërkojnë të kthehen tek suksesi dhe ndaj verilindorëve nuk ka justifikime. Vlerësim maksimal për këtë takim, ka dhe trajneri i Partizanit Arbër Abilaliaj i cili theksoi se demat do të bëjnë çmos për të marrë maksimumin.
Egnatia përballet me Dinamon në stadiumin “Niko Dovana”. Kryeqytetasit në 5 ndeshjet e fundit, kanë humbur vetëm një dhe kanë treguar se nuk dorëzohen lehtë. Tre ndeshjet e tjera janë programuar të dielën me Klasiken e futbollit shqiptar, Tirana-Vllaznia në “Air Albania”, Teuta luan me Erzenin ndërsa Skënderbeu pret Laçin në shtëpi.