Italia do ta zhvillojë Superkupën e saj në Arabinë Saudite nga data 18 janar deri më datë 22 janar. Gjysmëfinalet do të jenë Napoli-Fiorentina dhe Inter-Lazio. Në mbledhjen e Asamblesë së Ligës së Serie A, u vendos që ndeshjet do të zhvillohen në Ryad, stadiumin ku luan Al Nassr i Cristiano Ronaldos.
Mbledhja nuk ka kaluar pa debat teksa presidenti i Napolit, Aurelio De Laurentiis kërcënoi se nëse terrenet stërvitore nuk janë në kushtet e duhura, atëherë do ta bojkotojë Superkupën e Italisë.
“Nëse fushat stërvitore në Arabi nuk janë në lartësinë e duhur, atëherë nuk kam për ta dërguar skuadrën atje”, ishin fjalët e De Laurentiis.